Оригинальный текст
Су буенда үскән өянкеләр
Синең кебек ак шәл ябынган.
Синең чәчең төсле ак җил тузгый, -
Мин кышларда сине сагынам.
Карашыңдай җылы, аяз көннәр,
Җилләр исә синең ягыңнан.
Гөрләвекләр булып кайтыр идем...
Мин язларда сине сагынам.
Бөтен дөнья бүген шау чәчәктә,
Арынган җир хәсрәт-кайгыдан.
Шатлык төяп кайтып килер идем...
Мин җәйләрдә сине сагынам.
Синең сагыш әллә күчкән инде? -
Урманнарга сары кабынган.
Күзләремдә яшьме, яңгырмы ул? -
Мин көзләрдә сине сагынам.
Офыкларга карап, һәр көн саен
Сине уйлыйм, сиңа табынам.
Бөтенләйгә тиздән кайтырмын күк, -
Сине, әнкәй, сине сагынам.
Русский перевод
Ивы, что росли у тихой речки,
Белый, как твой, накинули платок.
Белый ветер, как твои волосы, колышет -
Я зимою по тебе тоскую вновь.
Ясные, как взгляд твой, тёплые дни,
Ветры дуют с той, твоей стороны.
Ручейками бы вернуться я хотел...
Я весною по тебе тоскую вновь.
Вся земля сегодня в шумном цвете,
От беды и горя отдохнув.
С радостью бы возвратился я домой...
Я в жару по тебе тоскую вновь.
Не твоя ли грусть сюда переселилась? -
Жёлтым загорелись все леса.
То ли слёзы в глазах, то ли дождь моросит -
Я осенью по тебе тоскую вновь.
В каждый день, глядя в дальние горизонты,
Я о тебе думаю, тебе молюсь.
Словно скоро навсегда вернусь... -
По тебе, әнкәй, по тебе тоскую.