Оригинальный текст
Хыялдагы татлы бер төш кебек
Сизелми дә узды балачак.
Гомер узган саен һәркем аны
Сагыныплар искә алачак.
Әй, кайда ул, кайда калды икән
Бала чакта яккан учаклар?
Шул чакларга илтә икән
Эх, беләсе иде, нинди сукмаклар?
Кайда калды икән таңга чаклы
Атлар саклап йөргән болыннар?
Без уйнаган болыннарда һаман
Йөгерә микән нәни колыннар?
Әй, кайда ул, кайда калды икән
Бала чакта яккан учаклар?
Шул чакларга илтә икән
Эх, беләсе иде, нинди сукмаклар?
Бала чакның серле әкиятләре
Күңелләрдә яши бүген дә.
Ак болытлар булып аксаң иде
Балачакның аяз күгендә.
Әй, кайда ул, кайда калды икән
Бала чакта яккан учаклар?
Шул чакларга илтә икән
Эх, беләсе иде, нинди сукмаклар?
Русский перевод
Как сладкий сон в мечтах,
Незаметно прошло детство.
И с годами каждый
Будет вспоминать его с грустью.
Ах, где же оно, где остались
Костры, что в детстве жгли мы?
Какие тропинки ведут
В те времена, эх, знать бы!
Где остались луга,
Где коней мы пасли до зари?
На лугах, где играли мы,
Бегают ли теперь жеребята?
Ах, где же оно, где остались
Костры, что в детстве жгли мы?
Какие тропинки ведут
В те времена, эх, знать бы!
Тайные сказки детства
Живут в душе и поныне.
Белым облаком плыть бы
В ясном небе детства.
Ах, где же оно, где остались
Костры, что в детстве жгли мы?
Какие тропинки ведут
В те времена, эх, знать бы!