Оригинальный текст
Үтеп барса да яшьлек еллары,
Хәтердә һаман мәктәп юллары.
Дөрли күңелдә әле бүген дә
Үсмер вакытның якты уйлары.
Ул еллар инде кабатланмаслар,
Кайда сез хәзер, әй, сабакташлар?
Кайда соң, кайда шау-гөр килешеп,
Уйнап-көлешеп укыган чаклар?!
Һәркөн диярлек күрешә идек,
Һәрбер шатлыкны бүлешә идек.
Мәңгегә шулай дуслык, татулык
Торсын яктырып, диешә идек.
Исләргә төшеп, хисләргә күчеп,
Сагындырасыз, әй, сабакташлар!
Сагындыра гел шау-гөр килешеп,
Уйнап-көлешеп укыган чаклар!
Аерсалар да гомер юллары,
Ерак калса да мәктәп еллары,
Очрашуларга әйди күңелне,
Суынмый икән яшьлек уйлары.
Онытып булмый сезне, якташлар!
Һаман истә сез, әй, сабакташлар!
Истә гел, истә шау-гөр килешеп,
Уйнап-көлешеп укыган чаклар.
Русский перевод
Пусть прошли давно те юные года,
В памяти живут школьные пути.
Волнуют сердце и сегодня
Светлые мечты той поры.
Те годы уж не повторятся вновь,
Где вы теперь, о, одноклассники?
Где же, где те дни, когда шумно и дружно
Играя и смеясь, мы учились?!
Почти что каждый день мы виделись,
Делились каждою своей радостью.
Навеки так дружбу и согласие
Пусть будут освещать, мечтали мы.
В мечтах встречаясь, в чувствах оживая,
Вы мне так дороги, одноклассники!
Всё помнится мне, как шумно и дружно
Играя и смеясь, мы учились!
Хоть разделили нас дороги жизни,
Хоть далеки теперь школьные года,
Душа стремится к встречам снова,
Не остывают юности мечты.
Не забыть мне вас, земляки!
В памяти всегда вы, одноклассники!
Помню всё, помню, как шумно и дружно
Играя и смеясь, мы учились.