Оригинальный текст
Акчарлаклар оча шаулашып,
Канатларын кагып суларга.
Тын Иделнең өстен яңратып
Җырлыйк, дуслар, кушылып шуларга. Эх!
Идел суы — туган су,
Ярларына тулган су.
Рәхәт биреп йөрәкләргә,
Җәелеп ага торган су.
Җилкәннәрен җәеп нурларда,
Аккош кебек йөзә көймәләр.
Егетләр һәм кызлар шуларда
Шат җырларын җырлап киләләр. Эх!
Идел суы — туган су,
Ярларына тулган су.
Рәхәт биреп йөрәкләргә,
Җәелеп ага торган су.
Идел буйларында тирән яр,
Яр өстендә кырлар, урманнар.
Шунда безнең данлы колхозлар —
Җырлап эшли дуслар, туганнар. Эх!
Идел суы — туган су,
Ярларына тулган су.
Рәхәт биреп йөрәкләргә,
Җәелеп ага торган су!
Русский перевод
Чайки летят с шумом,
Крыльями касаясь вод.
Поверх тихой Волги звеня,
Споём, друзья, вместе с ними. Эх!
Волга-река — родная вода,
Вода, что берега наполняет.
Отраду даря сердцам,
Разливаясь, течёт она.
Паруса расправив в лучах,
Плывут лодки, словно лебеди.
Юноши и девушки на них
Весёлые песни поют. Эх!
Волга-река — родная вода,
Вода, что берега наполняет.
Отраду даря сердцам,
Разливаясь, течёт она.
Вдоль Волги высокий берег,
Над ним поля и леса.
Там наши славные колхозы —
С песней трудятся друзья, братья. Эх!
Волга-река — родная вода,
Вода, что берега наполняет.
Отраду даря сердцам,
Разливаясь, течёт она!